nuevu vinu l.lumés de cangas

Bodegas Obanca apostó pol etiquetáu n’asturianu como novedá y refugó la forma billingüe que-y exixó’l Principáu
UVIÉU, 09 de Xunu (EUROPA PRESS)

Bodegas Oubanca, la bodega que presentará mañana’l so nuevu vinu de Cangas etiquetáu nel asturianu que se fala nesta zona, apostó por esta forma como algo novedoso dende’l puntu de vista comercial, y refugó la forma billingüe que-y exixó l’Alministración Autonómica dende la Conseyería de Mediu Rural pa dar el preste a la iniciativa.

Asina lo esplicó en declaraciones a Europa Press David Marcos, viticultor y responsable d’esta firma familiar de vinos cangueses, que mañana xueves, día 10 de xunu, presentará en Cangas el nuevu productu. Trátase del L.lumés nome col que se comercializará’l ‘verdejo tinto’, una “variedá desconocida, como la llingua asturiana que ye desconocida y naide apuesta por ella, menos nosotros”, señaló.

La etiqueta va íntegramente n’asturianu de Cangas, y per detrás lleva la siguiente inscripción: ‘Na noite de San Xuan, las l.lárimas d’un cangués fixeron que naciera este vino’. Trátase d’una dedicación “a una persona del conceyu qu’ama la llingua asturiana”, y de quien nun quiso revelar el nome.

La idea surdió, según esplicó, porque “somos una bodega inquieta que siempre busca coses nueves y, amás, llevamod años detrás d’esti proyectu”. Asina, esplicó que na nueche de San Xuan del añu pasáu foi cuando tomaron la decisión definitiva d’entamalu.

Refugó que l’etiquetáu n’asturian puea ser una torga pa la comercialización. “La única torga”, añadió, “foi la Conseyería, porque nun l’aprobaba en bable, quería que fuere billingüe”. “Si pones la etiqueta billingüe va ser una llocura”, consideró’l viticultor, qu’esplicó que decidió “sacalu n’asturianu total”. “El vinu yá ta etiquetáu y mañana saldrá yá a la venta”, confirmó.

Aseguró que la etiqueta ye “bien guapa” y qu’esti vinu ta “mui ricu”, y animó a tola xente qu’ama la llingua asturiana, y tolos aficionaos e esta bebida en xeneral, a prebalo.

Anuncios

Una respuesta a “nuevu vinu l.lumés de cangas

  1. Norabona pola iniciativa. Esto ye bono pa la Llingua y´ensin dubia sedrá una bona campaña comercial pal productu.
    Oxala más empresarios dieren esti pasu perimportante pa la nomalización de la nuesa llingua.
    Por ciertu, soi de Villaviciosa, y prestariame dixereisme onde pueo mercar esti nueu vinu pola mio fastera.

    Muncha suerte coles ventes y una vegada más….Norabona!!

Responder

Introduce tus datos o haz clic en un icono para iniciar sesión:

Logo de WordPress.com

Estás comentando usando tu cuenta de WordPress.com. Cerrar sesión / Cambiar )

Imagen de Twitter

Estás comentando usando tu cuenta de Twitter. Cerrar sesión / Cambiar )

Foto de Facebook

Estás comentando usando tu cuenta de Facebook. Cerrar sesión / Cambiar )

Google+ photo

Estás comentando usando tu cuenta de Google+. Cerrar sesión / Cambiar )

Conectando a %s